ನಿರುದ್ಯೋಗ ಸಮಸ್ಯೆಯನ್ನು ಎದುರಿಸುತ್ತಿರುವ ಸೌದಿ ಪ್ರಜೆಗಳಿಗಾಗಿ ಅಲ್ಲಿನ ಸರಕಾರವು ಕೆಲವು ವರ್ಷಗಳ ಹಿಂದೆ ಜಾರಿಗೆ ತಂದಿರುವ ನೀತಿಯಾಗಿದೆ ಸೌದೀಕರಣ. ಮೊಬೈಲ್ ಮಾರಾಟ ಮಳಿಗೆ, ಚಿನ್ನದ ಆಭರಣಗಳ ಮಾರಾಟ ಮಳಿಗೆ ಸೇರಿದಂತೆ ಕೆಲವು ಉದ್ಯೋಗ ಕ್ಷೇತ್ರಗಳಲ್ಲಿನಈಗಾಗಲೇ ಮೊದಲನೇ ಹಂತದ ಸೌದೀಕರಣವು ಹೇರಲ್ಪಪಟ್ಟರೂ, ಈ ಉದ್ಯೋಗ ಕ್ಷೇತ್ರಗಳಲ್ಲಿ ಯಮನ್ ಪ್ರಜೆಗಳ ಹೆಚ್ಚಿನ ಪ್ರಾಬಲ್ಯ ಇದ್ದುದರಿಂದ ಭಾರತೀಯರ ಮೇಲೆ ಇದು ದೊಡ್ಡ ಮಟ್ಟದ ಪ್ರಭಾವ ಬೀರಿಲ್ಲ ಎಂದೇ ಹೇಳಬಹುದು.
ಆದರೆ ಇದೀಗ ಸೆಪ್ಟೆಂಬರ್ 11ರಿಂದ ಅಂದರೆ ಅರಬಿಕ್ ಹೊಸ ವರ್ಷದ ದಿನದಿಂದ ಭಾರತೀಯರು ಹೆಚ್ಚಾಗಿ ಉದ್ಯೋಗದಲ್ಲಿರುವ ಪ್ರಮುಖ 12 ವಲಯಗಳನ್ನು ಸೌದೀಕರಣದ ವ್ಯಾಪ್ತಿಗೆ ತರುವ ಮೂಲಕ ಈ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ಭಾರತೀಯರ ಅದರಲ್ಲೂ ಕರಾವಳಿಗರ ಸ್ಥಿತಿ ಡೋಲಾಯಮನವಾಗಿದೆ.
ಈ ಎರಡನೇ ಘಟ್ಟದ ಸೌದೀಕರಣದಲ್ಲಿ ಇಲೆಕ್ಟ್ರಾನಿಕ್ಸ್, ಇಲೆಕ್ಟ್ರಿಕಲ್ಸ್, ಕಾರು ಹಾಗೂ ಮೇಟಾರ್ ಬೈಕ್ ಶೋರೂಂ ಗಳು, ರೆಡಿಮೇಡ್ ಬಟ್ಟೆಗಳ ಮಾರಾಟ ಮಳಿಗೆಗಳು, ಪಿಠೋಪಕರಣದ ಅಂಗಡಿಗಳು, ಕೈಗಡಿಯಾರಗಳು, ಕನ್ನಡಕಗಳು, ವೈದ್ಯಕೀಯ ಸಲಕರಣೆಗಳು ಮತ್ತು ಸಾಧನಗಳು, ಕಟ್ಟಡ ಸಾಮಗ್ರಿಗಳು, ಕಾರ್ಪೆಟ್ಗಳು, ಮನೆಯ ಅಡಿಗೆಮನೆ ಮತ್ತು ಮಿಠಾಯಿ ತಯಾರಿಕೆಗಳು ಹಾಗೂ ಮಾರಾಟವನ್ನು ಸೌದೀಕರಣ ಗಳಿಸಲಾಗಿದೆ. ಈ ಉದ್ಯೋಗಗಳ ಪೈಕಿ ಪಿಠೋಪಕರಣದ ಅಂಗಡಿಗಳು, ಕೈಗಡಿಯಾರಗಳು, ಎಲೆಕ್ಟ್ರಿಕ್ , ಎಲೆಕ್ಟ್ರಾನಿಕ್ಸ್ ಮಿಠಾಯಿ ಅಂಗಡಿಗಳಲ್ಲಿ ಕರಾವಳಿಗರು ಹೆಚ್ಚಿನ ಸಂಖ್ಯೆಯಲ್ಲಿದ್ದು ಅವರ ಉದ್ಯೋಗ ಈಗ ಅನಿಶ್ಚಿತತೆಯಲ್ಲಿದೆ. ಇವುಗಳನ್ನು ಬಿಟ್ಟು ಬೇರೆ ಉದ್ಯೋಗಗಳನ್ನು ಮಾಡೋಣವೆಂದರೆ ಅಲ್ಲಿಯೂ ಕೂಡ ಕಠಿನ ಕಾರ್ಮಿಕ ನೀತಿಯ ಅನುಭವಗಳು. ಸ್ವ ಉದ್ಯೋಗ ಬಿಟ್ಟು ಕಂಪೆನಿಗಳಲ್ಲಿ ಕೆಲಸಕ್ಕೆ ಸೇರಿಕೊಳ್ಳೋಣವೆಂದರೆ, ಕಂಪನಿಗಳೂ ಕೂಡ ನಷ್ಟದಿಂದಾಗಿ ತನ್ನ ಉದ್ಯೋಗಿಗಳನ್ನು ಕಡಿತಗೊಳಿಸುತ್ತಿವೆ. ಸೌದಿ ಅರೇಬಿಯಾದ ಪ್ರವಾಸಿಗಳ ಪಾಲಿಗೆ ಹೇಳುವುದಾದರೆ ಈಗ ಅಡಕತ್ತರಿಯಲ್ಲಿ ಸಿಕ್ಕಿ ಹಾಕಿಕೊಂಡ ಅನುಭವ.
ಸೌದೀಕರಣದ ಎರಡನೇ ಹಂತದ ಪ್ರಥಮ ದಿನವಾದ ನಿನ್ನೆ ವಾಣಿಜ್ಯ ನಗರಗಳಾದ ರಿಯಾದ್, ಜಿದ್ದಾ ಹಾಗೂ ದಮ್ಮಾಮ್ ಗಳಲ್ಲಿ ಬಹುತೇಕ ಅಂಗಡಿ ಮುಂಗಟ್ಟುಗಳು ಮುಚ್ಚಿದ್ದು, ಬಿಕೋ ಎನ್ನುತ್ತಿದ್ದವು. ತಪಾಸಣೆಯು ಶಕ್ತವಾಗಿರುವುದರಿಂದ ವಿದೇಶಿಯರು ರಸ್ತೆಗಳಲ್ಲಿ ಸಂಚರಿಸಲು ಭಯಪಡುತ್ತಿರುವ ದೃಶ್ಯ ಕಾಣಲು ಸಿಗುತ್ತಿತ್ತು. ಸೂಪರ್ ಮಾರ್ಕೆಟ್ ಹೋಟೆಲ್ ಹಾಗೂ ಸೌದೀಕರಣಕ್ಕೆ ಒಳಪಡದ ಇನ್ನಿತರ ಮಳಿಗೆಗಳು ತೆರೆದಿದ್ದವಾದರೂ, ಗ್ರಾಹಕರಿಲ್ಲದೇ ಸ್ತಬ್ಧವಾಗಿದ್ದವು. ಒಟ್ಟಿನಲ್ಲಿ ಒಂದು ರೀತಿಯ ಕರ್ಪ್ಯೂ ಹಾಕಿದಂತಿತ್ತು ಮಾರುಕಟ್ಟೆಗಳು.
ಕಳೆದ ಒಂದು ವರ್ಷದಲ್ಲಿ ಸೌದಿ ಅರೇಬಿಯಾದ ಕಾನೂನು ನೀತಿ ಎಷ್ಟೊಂದು ವೇಗವಾಗಿ ಬದಲಾವಣೆಯನ್ನು ಕಂಡಿದೆಯೆಂದರೆ ಒಂದೆರಡು ವರ್ಷದ ಹಿಂದೆ ಸೌದಿ ಅರೇಬಿಯಾದಲ್ಲಿ ಉದ್ಯೋಗದಲ್ಲಿರುವ ಭಾರತೀಯರು ಈ ರೀತಿಯ ಪರಿಸ್ಥಿತಿ ತಮಗೆ ಬಂದೊದಗಬಹುದೆಂದು ಕನಸಿನಲ್ಲೂ ಗ್ರಹಿಸಿದವರಲ್ಲ. ಈ ಕಾರಣದಿಂದಲೇ ಪ್ರವಾಸಿಗಳು ಯಾವುದೇ ಹಣವನ್ನು ಭವಿಷ್ಯಕ್ಕಾಗಿ ಉಳಿತಾಯವನ್ನು ಮಾಡದೇ ಖಾಲಿಯಾಗಿದ್ದಾರೆ. ಈ ಪರಿಸ್ಥಿತಿಯಲ್ಲಿ ಸೌದಿ ಅರೇಬಿಯಾದಲ್ಲಿ ನಿಲ್ಲುವಂತೆಯೂ ಇಲ್ಲ , ಖಾಲಿ ಕೈಯಲ್ಲಿ ಸ್ವದೇಶಕ್ಕೆ ಮರಳುವಂತೆಯೂ ಇಲ್ಲ ಎಂಬ ಪರಿಸ್ಥಿತಿ ಇವರದ್ದಾಗಿದೆ. ಕದ್ದು ಮುಚ್ಚಿ ತಮ್ಮ ಪರವಾನಿಗೆಯಲ್ಲಿ ನಮೂದಿಸದ ಕೆಲಸವನ್ನು ಮಾಡಿದರೆ 10,000 ರಿಯಾಲ್ ನಿಂದ 40000 ರಿಯಾಲ್ ವರೆಗೆ (ಸುಮಾರು 190000 ರೂ.ಗಳಿಂದ 760000 ರೂ.ಗಳವರೆಗೆ)ದಂಡ ತೆರಬೇಕಾಗುತ್ತದೆ ಮಾತ್ರವಲ್ಲ ನಂತರ ಗಡಿಪಾರು ಶಿಕ್ಷೆಯನ್ನು ಅನುಭವಿಸಬೇಕಾಗುತ್ತದೆ.
ಹಿಂದೆ ಸೌದಿ ಅರೇಬಿಯಾದ ಕಾರ್ಮಿಕ ನೀತಿಯು ಕಠಿಣವಾಗಿದ್ದರೂ ಅದು ಸಮರ್ಪಕವಾಗಿ ಕಾರ್ಯರೂಪಕ್ಕೆ ಬರುತ್ತಿರಲಿಲ್ಲ. ಆದರೆ ನೂತನ ರಾಜಕುಮಾರ ಅಧಿಕಾರವಧಿಯಲ್ಲಿ ಎಲ್ಲಾ ಕಾರ್ಮಿಕ ನೀತಿಯನ್ನೂ ಕಟ್ಟುನಿಟ್ಟಾಗಿ ಕಾರ್ಯರೂಪಕ್ಕೆ ತರಲಾಗುತ್ತದೆ. ಇದು ವಿದೇಶಿಗಳ ಪಾಲಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ.
ಸೌದಿ ಅರೇಬಿಯಾವನ್ನು ಸಂಪೂರ್ಣ ಸೌದಿಕರಣ ಹಾಗೂ ಪ್ರವಾಸಿ ತಾಣವಾಗಿ ಪರಿವರ್ತಿಸುವ ನಿಟ್ಟಿನಲ್ಲಿ ‘ವಿಷನ್ 2030’ ಎಂಬ ಘೋಷಣೆಯೊಂದಿಗೆ ತನ್ನ ಕಾರ್ಮಿಕ ನೀತಿಯಲ್ಲಿ ವ್ಯಾಪಕ ತಿದ್ದುಪಡಿಗಳನ್ನು ಮಾಡುತ್ತಿದ್ದು, ಈ ಕಾನೂನಿಂದಾಗಿ ಸಣ್ಣಪುಟ್ಟ ಅಂಗಡಿ ಮುಂಗಟ್ಟುಗಳು ತಮ್ಮ ಪರವಾನಿಗೆಯನ್ನು ನವೀಕರಿಸಲು ಕಷ್ಟವಾಗಬಹುದು. ಅತ್ತ ಸ್ವದ್ಯೋಗವೂ ಇಲ್ಲ ಅತ್ತ ಕಂಪನಿಗಳಲ್ಲಿ ಕೆಲಸವೂ ಇಲ್ಲ ಎಂಬ ಒತ್ತಡದ ನಡುವೆ ಕರಾವಳಿಗರು ತವರೂರಿಗೆ ಮರಳಲ್ಲದೇ ಬೇರೆ ಆಯ್ಕೆ ಇಲ್ಲದಾಗಿದೆ. ಹೀಗೆ ಸೌದಿಕೀರಣದ ಹಿನ್ನೆಲೆಯಲ್ಲಿ ತವರಿಗೆ ಮರಳುತ್ತಿರುವವರ ನೋಂದಣಿಗಾಗಿ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ನೋಂದಣಿ ಕೇಂದ್ರ ತೆರೆಯಲಾಗುವುದು ಎಂದು ಜಿಲ್ಲಾ ಉಸ್ತುವಾರಿ ಸಚಿವರಾದ ಯು.ಟಿ.ಖಾದರ್ ರವರು ಹೇಳಿದ್ದಾರೆ.
ಬರಿಗೈಯಲ್ಲಿ ಮರಳುವ ಕರಾವಳಿಯ ಸಂತ್ರಸ್ತರಿಗಾಗಿ ಜಿಲ್ಲಾಡಳಿತ ಹಾಗೂ ಕರ್ನಾಟಕ ಸರಕಾರಗಳು ಹೆಚ್ಚಿನ ಮುತುವರ್ಜಿಯನ್ನು ವಹಿಸಿ ಇವರಿಗೆ ಪರ್ಯಾಯ ವ್ಯವಸ್ಥೆ ಕಲ್ಪಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯನ್ನಿಡಬೇಕಾಗಿದೆ.
-ಎಸ್.ಎ.ರಹಿಮಾನ್ ಮಿತ್ತೂರು
JEDDAH — From Sept. 11 (Muharram 1, 1440,) the Ministry of Labor and Social Development (MLSD) will deploy 200 inspectors in all regions of the Kingdom to follow up on the implementation of its decision restricting work to Saudis in outlets of 12 activities and occupations.
The 12 work areas banned for expats are: watch shops, optical stores, medical equipment stores, electrical and electronics shops, outlets selling car spare parts, building material shops, outlets selling all types of carpets, automobile and mobile phone shops, shops selling home furniture and ready-made office material, sales outlets of ready-made garments, children clothes and men’s supplies, household utensils shops and pastry shops.
http://saudigazette.com.sa/article/542169/SAUDI-ARABIA/Saudization-in-12-retail-sectors-inspections-begin-in-12-days
