ಮಂಗಳೂರು: ದ.ಕ. ಜಿಲ್ಲಾ ಗಿಲ್ನೆಟ್ ಮೀನುಗಾರಿಕಾ ಸಂಘದ ನೇತೃತ್ವದಲ್ಲಿ ಪರ್ಸಿನ್ ಮೀನುಗಾರಿಕಾ ಬೋಟ್ಗಳ ಲೈಟ್ ಫಿಶಿಂಗ್ ಮತ್ತು ಟ್ರಾಲ್ ಬೋಟ್ಗಳ ಬುಲ್ ಟ್ರಾಲ್ ಫಿಶಿಂಗನ್ನು ನಿಷೇಧಿಸಬೇಕೆಂದು ಮೀನುಗಾರಿಕಾ ಉಪನಿರ್ದೇಶಕ ಚಿಕ್ಕವೀರ ನಾಯಕರಿಗೆ ಮನವಿ ಸಲ್ಲಿಸಲಾಯಿತು.
ನಾಡದೋಣಿ ಮತ್ತು ಗಿಲ್ನೆಟ್ ಮೀನುಗಾರರು, ಲೈಟಿಂಗ್ ಫಿಶಿಂಗ್ ಮೀನುಗಾರಿಕೆ ನಡೆಸುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ ಪ್ರತಿಭಟನಕಾರರು ಲೈಟ್ ಫಿಶಿಂಗ್ ಮತ್ತು ಟ್ರಾಲ್ ಬೋಟ್ಗಳ ಬುಲ್ ಟ್ರಾಲ್ ಫಿಶಿಂಗನ್ನು ನಿಷೇಧಿಸುವಂತೆ ಆಗ್ರಹಿಸಿದರು.
ಈ ಸಂದರ್ಭದಲ್ಲಿ ಚಿಕ್ಕವೀರ ನಾಯಕ ಮಾತನಾಡಿ, ಕಾನೂನು ಇಲಾಖೆಯ ಹೆಚ್ಚುವರಿ ಸಂಚಾಲಕರನ್ನು ಮೀನುಗಾರಿಕಾ ನಿರ್ದೇಶಕರು, ಜಂಟಿ ನಿರ್ದೇಶಕರು, ಉಪನಿರ್ದೇಶಕರು ಹಾಗೂ ನಾನು ಭೇಟಿ ಮಾಡಿದ್ದು, ಕೋರ್ಟ್ ಆದೇಶವನ್ನು ಪತ್ರಿಕಾ ಪ್ರಕಟಣೆ ಮಾಡಿದ್ದನ್ನು ತಕ್ಷಣ ಹಿಂದೆ ತೆಗೆದುಕೊಳ್ಳಿ. ನಾನು ನಿಮ್ಮ ಮನವಿಯನ್ನು ಸರ್ಕಾರಕ್ಕೆ ಸಲ್ಲಿಸುತ್ತೇನೆ. ಆದರೆ ನೀವು ಪ್ರತಿಭಟನೆ ಮಾಡುವುದರಿಂದ ಯಾವ ಪ್ರಯೋಜನವೂ ಇಲ್ಲ. ಆದ್ದರಿಂದ ನೀವು ಕೂಡಾ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಿಮ್ಮ ಅಹವಾಲನ್ನು ನ್ಯಾಯಾಲಯಕ್ಕೆ ಸಲ್ಲಿಸಬೇಕು. ನನ್ನ ಶಕ್ತಿ ಮೀರಿ ಲೈಟಿಂಗ್ ಫಿಶಿಂಗ್ ನಡೆಯುವುದನ್ನು ನಿಲ್ಲಿಸುತ್ತೇನೆ ಎಂದು ಹೇಳಿದರು.
