ಉತ್ತಮ ಪ್ರಜಾಕೀಯ ಪಕ್ಷದ ಪರ ಪ್ರಚಾರ ಮಾಡಲು ಬಂದಿದ್ದ ನಟ ಉಪೇಂದ್ರ ಮಂಗಳೂರಿನ ರಣಬಿಸಿಲಿಗೆ ದಣಿದಿದ್ದ ಸರಕಾರಿ ಶಾಲೆಯೊಂದರ ಮಕ್ಕಳನ್ನು ಕೂಲ್ ಕೂಲ್ ಮಾಡಿದರು.
ಶಾಲೆಯ ಬಳಿ ಮಕ್ಕಳನ್ನು ಕಂಡ ಉಪೇಂದ್ರ ನೇರ ಮಕ್ಕಳಿಗೆ ದೊಡ್ಡ ದೊಡ್ಡ ಕಲ್ಲಂಗಡಿಯನ್ನು ಕೊಡುಗೆಯಾಗಿ ನೀಡಿದರು.
ಇದು ನಡೆದದ್ದು ಮಂಗಳೂರಿನ ಲೇಡಿ ಹಿಲ್ ಬಳಿ. ಉತ್ತಮ ಪ್ರಜಾಕೀಯ ಪಕ್ಷದ ಅಭ್ಯರ್ಥಿ ಜೊತೆಗೆ ಕರಪತ್ರ ವಿತರಿಸಿ ಮತ ಯಾಚನೆ ಮಾಡಿದ ಸಂದರ್ಭದಲ್ಲಿ ಅಲ್ಲಿಯೆ ಹೊರಗೆ ಇದ್ದ ಶಾಲಾ ಮಕ್ಕಳಿಗೆ ಶಾಲಾ ಕಂಪೌಂಡ್ ದಾಟದೆ ಕಲ್ಲಂಗಡಿ ವಿತರಣೆ ಮಾಡಿದ್ದಾರೆ. ಸುಮಾರು ಹತ್ತು ಕಲ್ಲಂಗಡಿಗಳನ್ನು ಕೊಟ್ಟು ಮಕ್ಕಳಿಗೆ ಹಂಚಿ ತಿನ್ನುವಂತೆ ಸಲಹೆ ನೀಡಿದರು.
