ತಟ್ಟಿದ ಬಿಸಿ: ಸಬ್ಸಿಡಿ ಸಿಲಿಂಡರ್ ವರ್ಷಕ್ಕೆ 6ರಿಂದ 10ಕ್ಕೆ ಏರಿಕೆ ಸಾಧ್ಯತೆ…

ಈ ವರದಿಯ ಬಗ್ಗೆ ನಿಮ್ಮ ಪ್ರತಿಕ್ರಿಯೆ ತಿಳಿಸಿ :
ಶಭಾಶ್ (0) ಸಮ್ಮತ (0) ಅಸಮ್ಮತ (0) ಖಂಡನೆ (0) ಅಭಿಪ್ರಾಯವಿಲ್ಲ (0)

ಹೊಸದಿಲ್ಲಿ: ತೃಣಮೂಲ ಕಾಂಗ್ರೆಸ್ ಯುಪಿ‌ಎಯಿಂದ ಹೊರಬರುವ ಬೆದರಿಕೆಯೊಂದಿಗೆ, ಪ್ರತಿಪಕ್ಷಗಳ ಒತ್ತಡವೂ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರವು ಸಬ್ಸಿಡಿ ದರದಲ್ಲಿ ನೀಡುವ ಎಲ್‌ಪಿಜಿ ಸಿಲಿಂಡರ್‌ಗಳ ಸಂಖ್ಯೆಯನ್ನು 6ರಿಂದ 10ಕ್ಕೇರಿಸುವ ಸಾಧ್ಯತೆಗಳಿವೆ.

ಡೀಸೆಲ್ ಬೆಲೆ ಏರಿಕೆ, ಅಡುಗೆ ಅನಿಲ ಸಿಲಿಂಡರುಗಳ ಮಿತಿ ಮತ್ತು ಚಿಲ್ಲರೆ ಮಾರಾಟ ಕ್ಷೇತ್ರದಲ್ಲಿ ವಿದೇಶಿ ನೇರ ಹೂಡಿಕೆ ಮುಂತಾದ ವಿಷಯಗಳನ್ನು ಮುಂದಿಟ್ಟುಕೊಂಡು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ನೇತೃತ್ವದ ತೃಣಮೂಲ ಕಾಂಗ್ರೆಸ್ ಪಕ್ಷವು ಯುಪಿ‌ಎ ಸರಕಾರದಿಂದ ಹೊರಬರುವ ಸುಳಿವು ನೀಡಿತ್ತು.

ಈ ಬಗ್ಗೆ ಮಂಗಳವಾರ ತೀರ್ಮಾನ ಕೈಗೊಳ್ಳುವುದಾಗಿ ಪಕ್ಷವು ಈಗಾಗಲೇ ಪ್ರಕಟಿಸಿದೆ. ಸರಕಾರ ಉರುಳಲು ಬಿಡುವುದಿಲ್ಲ ಎಂದೂ ಮಮತಾ ಸ್ಪಷ್ಟಪಡಿಸಿರುವುದರಿಂದ ಸರಕಾರಕ್ಕೆ ಯಾವುದೇ ಅಪಾಯ ಇಲ್ಲ.

ಇದಲ್ಲದೆ, ಸರಕಾರಕ್ಕೆ ಹೊರಗಿನಿಂದ ಬೆಂಬಲ ನೀಡುತ್ತಿರುವ ಸಮಾಜವಾದಿ ಪಕ್ಷವೂ ಕೂಡ, ಸೆ.20ರ ಪ್ರತಿಪಕ್ಷಗಳ ಪ್ರತಿಭಟನೆಗೆ ಕೈಜೋಡಿಸಿದೆ. ಹೀಗಾಗಿ ಸರಕಾರವು ಕೊಂಚವಾದರೂ ಸಮಾಧಾನಕರ ಸುದ್ದಿ ನೀಡುವ ನಿರೀಕ್ಷೆ ಇದೆ.

ಹಬ್ಬದ ಕಾರಣದಿಂದಾಗಿ ಎನ್‌ಡಿ‌ಎ ಮಿತ್ರಕೂಟದ ಅಂಗವಾಗಿರುವ ಶಿವಸೇನೆಯು ಈ ಬಂದ್‌ನಲ್ಲಿ ಪಾಲ್ಗೊಳ್ಳುತ್ತಿಲ್ಲ. ಪಶ್ಚಿಮ ಬಂಗಾಳದಲ್ಲಿ ಎಡಪಕ್ಷಗಳು ಹಾಗೂ ದೇಶದ ಬೇರೆಡೆ ಎನ್‌ಡಿ‌ಎ ಅಂಗ ಪಕ್ಷಗಳು ಪ್ರತಿಭಟನೆ ನಡೆಸಲಿವೆ. ಎಡಪಕ್ಷಗಳೊಂದಿಗೆ ಸಮಾಜವಾದಿ ಪಕ್ಷ, ಬಿಜು ಜನತಾ ದಳ, ತೆಲುಗುದೇಶಂ ಹಾಗೂ ಜೆಡಿ‌ಎಸ್ ಕೂಡ ಸೆ.20ರಂದು ಪ್ರತ್ಯೇಕವಾಗಿಯೇ ಪ್ರತಿಭಟನೆಗೆ ಕರೆ ನೀಡಿವೆ.

ಈ ವರದಿಯ ಬಗ್ಗೆ ನಿಮ್ಮ ಪ್ರತಿಕ್ರಿಯೆ ತಿಳಿಸಿ :
ಶಭಾಶ್ (0) ಸಮ್ಮತ (0) ಅಸಮ್ಮತ (0) ಖಂಡನೆ (0) ಅಭಿಪ್ರಾಯವಿಲ್ಲ (0)
ಅಶ್ವಿನಿ

About ಅಶ್ವಿನಿ